قصيدة جميلة

هذه قصيدة الشاعر أحمد البوسعادي ألقاها ذات يوم في حصة أماسي و هي قصيدة رائعة من الشعر الشعبي :
جات موجه هايجة رفدتني........ و بقيت نتخبط في ماها
كي رفعت راسي غطستني...... و العوم ماني مولاه
المياه مالحة سقمتني........و بطني لهب يا مقواه
و القرش عاقب و يغني...... و يقول يا مايا محلاه
ما عرفت قدرة جبدتني...... للشط يا مزين غطاه
جاتني الريح لحقتني....... لساع مريض نضرب باه
في بر خالي لاحتني...... نارو قاديه محماه
عطشي ركب زاد هلكني........ ماء السراب ما رواه
ناديت آه من يرحمني ..........ملك الموت جاني راه
و الحنش عاقب و يغني....... و يقول يا بري مبهاه
الريح عاودت حكمتني ...... ألين أعوذ بالله
من هاذ الساعة هزتني...... لفوق السما يا معلاه
لارض راحت و بعدتني.... و الجو ماني بهواه
في ليل يخلع طلقتني.......لا نجوم لاقمر نراه
والنسر عاقب ويغني...... ويقول يا جوي مصفاه
لون السما غي لاحتني..... راخي روحي غي فالله
جاتني ملايكة شدتني...... و لاحتلي جناحها معتاه
في جنان واسع حطتني..... و الثمار مدليه كيفاه
اللي يدخل يبقى مهني ..... محال الريح ما تصفاه

من يستطيع معرفة موضوع هذه القصيدة يضع رد